التيبات و الرفض و القبول

هالو ... مبدئياً كدة وقبل أي كلام في الموضوع دة، فيه حاجة لازم أقولها ... مافيش حاجة اسمها شخص شكله وحش .. اه زي ما قريت كدة ... مهما كنت شايف نفسك مش حلو أو جسمك مش متناسق أو أو أو... ، كن متأكد إنك تيبات حد ما أو مجموعة ما من الناس ... الناس دي بقى قريبة منك في نفس البلد أو في بلد تانية ... انت و حظك بقى ... مش مصدقني؟ افتح اي موقع بورن و شوف الـ categories هاتلاقي التخين و الرفيع و المعضل و كل حاجة و كل نوعية عليها اقبال و لايكات عادي جداً ... اسطوانة "أنا مش بعجب حد .. محدش ممكن يعجب بيا" و الكلام اللي من النوع دة عبارة عن مشاكل نفسية مالهاش أي علاقة بشكلك أو جسمك .. دي حاجات ليها علاقة بشخصيتك.

طيب .. ليه الناس عندها تيبات أصلاً؟ يعني ليه مثلاً مش كل الناس تقدر تعمل سكس مع كل الناس عادي من غير موضوع "أصله/أصلها مش تايبي"؟ الإجابة: مافيش إجابة ... مهما تعبت نفسك إنك تدور على قاعدة أو سبب واحد يشرح موضوع التيبات دة مش هاتعرف .. بس للتبسيط، ممكن تشبه موضوع التيبات دة بالأكل ... يعني فيه حد بيحب البطاطس و مايحبش البسلة ... تقدر تقوله انت ليه يا أخي مش بتحب البسلة؟؟ أكيد لا يعني ... هوا كدة و ذوقه كدة ... كذلك موضوع التيبات دة ... مافيش قاعدة و مافيش سبب .. لكن أنا أعتقد (و ممكن أكون غلطان) إن موضوع التيبات (و الأكلات المحببة و غير المحببة وغيره) ممكن يكون ليه علاقة بخلفيات شخصية .. يعني عقدة قديمة .. موقف حصل و انت صغير .. أو ممكن تكون حاجة حصلت في حياتك السابقة (لو بتؤمن بالحوار دة) يعني فيه مثلاً فيلم اسمه I Origins حصل فيه ان فيه واحدة ست ماتت في الاسانسير بشكل بشع و صعب أوي و روحها انتقلت لبنت تانية فقيرة جداً (الفيلم قصته كدة) و بشكل ما حبيبها قدر يوصل للبنت دي و حاول يوجد أي شبه أو سمة مشتركة بين حبيبته اللي ماتت و البنت دي و معرفش و لما يأس قام أخد البنت يفسحها و كدة و جه يركبها الاسانسير قامت البنت خافت و اترعبت و جريت منه .. طبعاً بصرف النظر عن الهري و الهلوسة اللي في الفيلم و الحوار دة عموماً ... لكن لو جيت سألت البنت دي "انتي ليه خفتي من الأسانسير؟" مش هاتعرف و حتى لو كانت كبيرة و واعية بردو مش هاتعرف لأن السبب أصله في حياة سابقة مش موجودة في ذاكرتك الحالية أصلاً ... ممكن تكون اختياراتنا الجنسية اتشكلت بالطريقة دي.

إذا احنا كدة متفقين أن مافيش حاجة اسمها شخص قبيح أو غير مرغوب جنسياً من الجميع لأن دة إحصئياً مستحيل .. و اتفقنا كمان أن مافيش قاعدة لموضوع التيبات دة و إنه personal discretion مش عرضة للشرح أو التبرير .. لو انت موجود في محيط مش مرغوب فيه جنسياً لأنه اللي ممكن يعجبوا بيك من بلد تانية أو حتى قارة تانية فانت مجرد شخص حظه خرا .. مش شخص قبيح .. قبيح دي شتيمة مش وصف ... أمين؟

طيب ... لو انت شخص attractive من مصلحتك بقى انك توسع دايرة المعجبين بيك ... طبعاً ... يعني لو انت مثلاً أسمراني و تعرف مثلاً ان البنات اللي في بلدك بيحبوا السمر ماتسيبش نفسك بقى تتخن و تسمن و ماتهتمش لا بلبسك و لا مظهرك على أساس أنك أسمر و خلاص ضامن الإعجاب في جيبك .. بلاش غباء .. البنت أو الولد المعجبين بيك للون بشرتك لو شافوك متبهدل هايسحبوا اعجابهم بيك بمنتهى السهولة .. لو مش بتروح الجيم ... روح ... البس كويس .. حط برفان .. ظبط شعرك و دقنك (اخخخ يانا من الدقن اححح) .. عشان لو فيه 10 مثلاً معجبين بيك في محيطك يبقوا 20 أو حتى 100 .. أنا عارف اننا مش في سباق و الموضوع دة من غير تحكم ممكن يقلب فوبيا و هوس .. لكن دة واجب عليك تجاه نفسك .. انت اتولدت بجسم و نفس و روح .. كل عنصر من دول لازمله شوية اهتمام ... كل اللي باقوله هنا انك تهتم بجسدك الاهتمام الواجب لأنه يستحق و لأنك تستحق الناس تشوفك و تشوف جمالك و تعجب بيك .. بكرر تاني بردو أن موضوع الاهتمام دة ممكن جداً يقلب بهوس و جنان .. خلي كل حاجة في المعقول ... بلاش الزيادة و لا التنفيض.

بخصوص الرفض .. الرفض حق .. لازم تقبل الموضوع دة بكل رحابة صدر وإلا تكون مش cool .. من حقك جداً انك ترفض حد لأنه مش تيباتك و كمان ممكن الناس ترفضك لأنك مش تيباتهم .. دة لازم يكون عادي جداً و لو الموضوع دة بيضايقك أوي يبقى انت لازم تشتغل على نفسيتك شوية ... بس خلينا نكون صرحاء شوية هنا ... الرفض نفسه حاجة مش لطيفة سواء انت بترفض حد أو حد بيرفضك .. الموضوع فيه negativity كبيرة ... و لو مثلاً بقالك فترة طويلة ماعملتش سكس و لقيت حد تيباتك أوي و قالك sorry أكيد هاتزعل و دة طبيعي ... محدش يحب يتقاله لا .. بس فيه فرق بين انك تزعل انك اترفضت عشان انت هيجان و عايز سكس أو علاقة ما مع الشخص اللي رفضك دة و بين إنك زعلت انك اترفضت أصلاً ... الفرق كبير .. أديلك مثل .. تخيل محامي اتعين في مكتب محاماة جديد و جاتله قضية و خسرها .. لو سألته زعلان ليه ممكن يقولك "عشان أنا لسة متعين و كنت حابب يعني أني أكسب عشان أكبر في عين زمايلي و مديري و كدة" ... و ممكن يقولك "عشان أنا مش بحب أخسر أي حاجة" ... الزعل الأولاني دة زعل صحي و اشطة و تمام ... الزعل التاني دة مرض ... راقب نفسك

نصيحة ... ماتقبلش حد و انت بينك و بين نفسك رافضه عشان انت مكسوف ترفضه .. دي أكبر إهانة ممكن توجهها له أساساً ... فيه طرق كتير مهذبة و لطيفة لإبداء الرفض ممكن حتى تكبر بيها في عين اللي بترفضه و يحترمك حتى و انت رافضه .. نصيحة تانية مهمة فشخ .. لو حد رفضك ماتسألوش ليه ... لأن هوا نفسه ممكن مايكونش عنده إجابة يكتبها ... دة شعور ياخوانا و تيبات .. و أنا كتبت فوق هنا إن موضوع التيبات دة مالوش تفسير و لا تبرير .. ماتحرجش و تصغر نفسم بالأسئلة دي ... وبلاش إلحاح .. يعني لو حد قالك لاء ماتقولوش طيب نجرب مرة .. طيب نخرج نتقابل و ما شابه من كلام .. ماتهينش نفسك.

لو تعرضت لشخص لسانه طويل و طريقته في الرفض مهينة أو سخيفة .. إعرف إن عنده مشكلة نفسية أو فيه حاجة مضايقاه و مطلعة عينه و هوا بيطلع همه على الناس ... رغم كد أنصحك إنك تديله بالجزمة و تشتمه و تعمله بلوك ... أنا مش بنصحك إنك تخش تشتم في الخلق عمال على بطال ... كل اللي باقوله إن اللي يشتمك اشتمه .. عارف ليه؟ عشان نفسك ... عشان اتزانك النفسي .. ماتبقاش ملطشة ... لازم تعرف ترد و تاخد و تدي ... يعني لازم تعرف تتكلم مع اللي يجاملك و اللي يذمك و لازم يكون ردك على اللي يذمك مؤشر للي يفكر يذمك ... باختصار خليك متوازن في كلامك و ردود أفعالك ... ماتبقاش عنيف و إلا الناس تكرهك و لا تبقى ناعم أوي فالناس تركبك و تهينك .. لا تكن ليناً فتعصر و لا قاسياً فتكسر.

لو انت شخص لسانه طويل و بتهين الناس ... فيه حد لسانه أطول منك ... إن عاجلاً أو أجلاً هايجيبك و هايهينك و هايحرج ميتينك ... نصيحة خليك لطيف مع الناس عشان أصلاً الدنيا قاسية بما فيه الكفاية.

القبول موضوع مش ضروري و لا مهم الكلام فيه لأنه سهل و مافهوش أي اشكال .. طلعتوا تيبات بعض و الدنيا لطيفة .. يبقى تخشوا بقى على البوست الجاي ...